Қарағанды облысында «Екатеринбург-Алматы» республикалық трассасының қалың қар басатын учаскелерінің бірінде тростан жасалған жол қоршауын сынақтан өткізу жұмыстары басталды. Жоба ҚазжолҒЗИ ғалымдары мен сарапшыларының ғылыми-техникалық сүйемелдеуімен іске асырылуда.

Еліміз үшін жол қоршауының жаңа түрін сынақтан өткізу қондырғысы ҚР ІІМ-мен келісіліп, Теміртау қаласының маңында 500 метрлік тәжірибелік учаскеде жүзеге асырылды.

Бөлу жолағына және жолдың оң жағына (Қарағанды бағытында) орнатылған кабельдік қоршау дәстүрлі металл тосқауылдар, яғни кривбрустардан айтарлықтай артықшылыққа ие.

Атап айтқанда, ол қардың қозғалысына кедергі келтірмейді және фронтальды соқтығысудан сенімді қорғайды. Бұл тип тиімділік пен қолжетімділіктің нәтижесінде АҚШ, Жапония және Еуропада сәтті қолданылды.

Жоба аясында ҚазжолҒЗИ мамандары қоршауларды орнату кезінде техникалық параметрлердің сақталуын бақылайды. Алайда, ғылыми-техникалық қолдаудың басты мақсаты - кабельдік кедергілердің тиімділігіне екі жылдық мониторинг жүргізу.

«Біз қоршаулардың қозғалыс қауіпсіздігін қамтамасыз ету және қалың қар мен жел кезінде қардың жиналуын болдырмау үшін қалай жұмыс істейтінін бақылайтын боламыз. Бақылау нәтижелері Қазақстанның барлық аумағындағы қарлы учаскелерде тростан жасалған қоршауларды жаппай енгізудің орындылығын бағалауға көмектеседі. Екі жылдан кейін біз өз ұсыныстарымызбен қорытынды есеп беруіміз керек», — деді ҚазжолҒЗИ Стандарттау департаментінің директоры Андрей Чжен.

Егер сынақтар оң нәтиже көрсетсе, мамандар дәстүрлі W-тәрізді металл тосқауылдарды республиканың барлық қарлы учаскесіндегі жаңа арқан қоршауларына ауыстыруды ұсына алады.