«ҚазжолҒЗИ» АҚ Алматы филиалында жол жамылғыларын суық қайта өңдеу (ресайклинг) технологиясын енгізу мүмкіндіктеріне арналған техникалық семинар өтті.

Швецияның «Nuoryon» компаниясының техникалық менеджері Деннис Сейлс жаңа материалдың 30%-ына дейін қосу арқылы ескі жабындарды қалпына келтіруге мүмкіндік беретін технологияны қолданудың халықаралық тәжірибесін таныстырды. Бұл әдіс Швецияда тәулігіне 500–2000 автомобиль өтетін аз жүктемелі жолдарда кеңінен қолданылады, Францияда сынақтан өтуде және Украинада қолданылуда. Технологияны енгізудің басты мақсаты көмірқышқыл газының шығарылуын азайту және жол құрылысының экологиялық тиімділігін арттыру.

Сарапшының айтуынша, бұл технология әсіресе ескі және тозған жабындарда тиімді. Ресайклингтен кейін үстіне ыстық асфальтобетон қоспасының қабаты немесе жұқа тозу қабаты төселеді. Швециядағы мұндай жолдардың аралық жөндеу мерзімі 15–20 жылға дейін жетеді.

Талқылау барысында «ҚазжолҒЗИ» АҚ, «ҚазАвтоЖол» ҰК АҚ және Алматы облысының мердігер ұйымдарының мамандары технологияны Қазақстан жағдайларына бейімдеу мүмкіндіктерін қарастырды. Қоспаларды өндіру кезінде ескі материалды араластыру үдерісін мұқият бақылап, оның қосымша ұсақталуына жол бермеу қажеттігі атап өтілді, себебі бұл қоспаның беріктік сипаттамаларына әсер етеді.