«ҚазжолҒЗИ» мамандары жолдарды қысқы күтіп ұстау мәселелеріне арналған PIARC халықаралық семинарында QSmart желісіндегі отандық ғылыми әзірлемелердің сериясын таныстырды.

Бұл серия жол құрылысының тиімділігі мен экологиялық қауіпсіздігін арттыруға арналған оннан астам инновациялық өнімнен тұрады.

Семинар қатысушылары мұзға қарсы экологиялық реагент QSmartAntiGlaze-ге ерекше қызығушылық танытты. Бұл өнім қар мен мұзды жылдам әрі қауіпсіз ерітуге арналған: ол 20–30 минут ішінде әсер етіп, -10 °C-тан төмен температураларда да тиімділігін сақтайды. Дәстүрлі тұз құрамындағы реагенттерден айырмашылығы, QSmartAntiGlaze тек жол төсемін мұздан тазартып қана қоймай, мұз қайта қатуын алдын алуға да мүмкіндік береді. Осылайша, ол қысқы жол күтімінде сенімді әрі тиімді шешімге айналады.

Презентация халықаралық қауымдастықтың назарын экологиялық тұрғыдан қауіпсіз және климаттық жағдайларға бейімделген технологияларға көшу қажеттілігіне аударды.