«КаздорНИИ» АҚ-да келесі бағдарламалар бойынша біліктілікті арттыру курстары аяқталды: Астана қаласындағы «Техникалық қадағалау курстары» және Алматы қаласындағы филиалда «Көпір құрылыстарын зерттеу» курстары.

«Техникалық қадағалау курстары» курсының бағдарламасы жол құрылысын қадағалау бойынша жұмыстарды жүргізу мәселелерін, сәйкес нормативтік құжаттарды, жұмыстарды қабылдау реттілігін және басқа да өзекті мәселелерді қарастырды. Аталған курс тыңдаушылары «КазСтрой Инжиниринг» ЖШС қызметкерлері болды.

Ал «Көпір құрылыстарын зерттеу» курсының бағдарламасы көпірлердің ағымдағы жағдайын анықтауды, ақауларды анықтауды, жүктемелер мен динамикалық әсерлерді бағалауды және көпір құрылыстарын пайдалану мен қызмет көрсету бойынша ұсыныстарды қамтиды. Бұл курсқа «Testlab» ЖШС және «Integra Construction KZ» ЖШС қызметкерлері қатысты.