М. Тынышпаев атындағы ALT Университетінің студенттері тәжірибелік сабақты «ҚазжолҒЗИ» АҚ базасында өтуде. Оқу үдерісі теория мен тәжірибені ұштастыратын дуальді білім беру жүйесі аясында ұйымдастырылған.

Курс бағдарламасы жол құрылыс материалдары, битумдар мен битумдық тұтқырлар, олардың физика-механикалық қасиеттері, су оқшаулағыш материалдар мен мастикалар, тас материалдары, асфальтобетон және цементбетон тақырыптарын қамтиды.

Дуальді білім беру форматы студенттердің теориялық білімдерін тереңдетіп, зертханалық жағдайда тәжірибелік дағдыларын қалыптастыруға мүмкіндік береді. Бұл олардың кәсіби дамуына және болашақ мамандықтарына сапалы даярлануына жол ашады.

Еске салсақ, бұған дейін «ҚазжолҒЗИ» АҚ Қазақстанның жетекші жол саласының жоғары оқу орындарымен студенттерге дуальді білім беру бағдарламасын іске қосу туралы меморандумға қол қойған болатын.