«ҚазжолҒЗИ» АҚ Алматы филиалында «Қажсервис» ЖШС қызметкерлері үшін ұйымдастырылған «Автомобиль жолдарын пайдалану» бағдарламасы бойынша біліктілікті арттыру курстары аяқталды.

Курстардан өту кезеңінде тыңдаушылар автомобиль жолдарын пайдалану саласындағы заманауи жетістіктерді, автомобиль жолдарындағы қозғалыс қауіпсіздігін бағалау әдістерін қоса алғанда, автомобиль жолдарын қысқы күтіп-ұстау мәселелерін, сондай-ақ Қазақстан Республикасының қолданыстағы стандарттарына сәйкес жол-құрылыс материалдары мен жұмыстарының сапасын бақылау мәселелерін зерделеді.

Тыңдаушылар ҮААЖ пайдалану әдістемесімен, оның ішінде арнайы техникамен, қысқы күтіп-ұстау әдістерімен, сондай-ақ ақылы жолдармен жүру үшін ақы төлеу әдістемесімен танысты.

Біліктілікті арттыру курстарынан өткен қызметкерлерге белгіленген үлгідегі сертификаттар берілді.