Қазақстан Республикасы Көлік министрлігі Автомобиль жолдары комитетінің тапсырмасы шеңберінде "Жол қозғалысы қауіпсіздігі рәсімдері" ведомстволық нормативі құжатының жобасы әзірленуде.

Жүргізіліп жатқан жұмыстар аясында 2024 жылғы 13 наурызда Қазақстандық жол ғылыми-зерттеу институты мен "Қазақ жол қозғалысы қауіпсіздігі ғылыми-зерттеу институты" ЖШС-мен бірлесіп, жол қозғалысы қауіпсіздігі бойынша воркшоп өткізді. Швеция мен Қазақстанның мамандарын жинаған іс-шара жолдардағы қауіпсіздікті қамтамасыз ету бағытындағы маңызды қадам болды.

Бұл маңызды оқиға қазақстандық ғалымдардың жол қозғалысы қауіпсіздігінің ұлттық стандарттарын жетілдіруге деген ұмтылысын ғана емес, сонымен қатар Vision Zero ұсынған қауіпсіздік саласындағы жаһандық бастаманы да атап көрсетеді. Швеция Көлік әкімшілігінің қолдауымен ұйымдастырылған іс-шара екі ел арасында тәжірибе алмасу және озық тәжірибелерді беру алаңына айналды.

Кездесудің негізгі мақсаты апатты азайтуға және жолдардағы адам өмірін сақтауға бағытталған стратегиялар мен іс-қимыл жоспарларын әзірлеу болды. Швеция Көлік әкімшілігінің жоғары деңгейлі спикерлері табысты тәжірибелер мен инновациялық тәсілдерді ұсына отырып, өз білімдері мен тәжірибелерімен бөлісті.

Воркшоп қатысушылары жол қауіпсіздігін басқару мәселелерін, құқық қорғау органдарының алдын алу жұмыстарының әдістерін, сондай-ақ қауіпсіз инфрақұрылымды құруға ықпал ететін жол жобалау ерекшеліктерін талқылады.