«ҚазжолҒЗИ» АҚ-да ашық ақпарат күні өтті, оның аясында Қазақ автомобиль-жол колледжінің студенттері Институттың Алматыдағы филиалымен танысты. «Автомобиль жолдары мен аэродромдар құрылысы» мамандығын дәріптеуге бағытталған іс-шара колледж директорының, оқу-әдістемелік жұмыс жөніндегі директордың және жол-құрылыс материалдары және жаңа технологиялар бөлімінің қызметкерлерінің қатысуымен өтті.

Кездесу барысында қатысушыларға «ҚазжолҒЗИ» АҚ тарихы және «Автомобиль жолдары мен аэродромдар құрылысы» мамандығының мүмкіндіктері туралы айтылды. Студенттер экскурсия кезінде сынақ зертханасының жұмысымен және Институттың ғылыми-зерттеу қызметінің басқа аспектілерімен де танысты.