2026 жылғы 10 наурызда Францияның Шамбери қаласында Дүниежүзілік жол қауымдастығының (PIARC) 17-ші Дүниежүзілік қысқы конгресінің ашылу рәсімі өтті. Бұл – автомобиль жолдарын қысқы күтіп-ұстау, инфрақұрылымның тұрақтылығы және декарбонизация мәселелеріне арналған халықаралық салалық алаң. Мұндай форматтағы конгресс алғаш рет өткізіліп, оған түрлі елдердің жол әкімшіліктерінің, ғылыми-зерттеу ұйымдарының, халықаралық қауымдастықтардың және салалық компаниялардың өкілдері қатысты.

Ашылу салтанатына Конгрестің француз ұйымдастыру комитетінің төрағалары Жан-Рено Жели мен Тьерри Репантен, PIARC президенті Эмануэла Стокки, сондай-ақ PIARC Бас хатшысы Патрик Маллежак қатысты.

Конгрестің бірінші күні жол саласының өзекті мәселелеріне арналған техникалық сессиялар өтті. Негізгі назар автомобиль жолдарын қысқы күтіп-ұстау саласындағы инновациялық шешімдерге, көктайғаққа қарсы материалдарды тарату процестерін автоматтандыруға, цифрлық технологиялар мен интеллектуалды көлік жүйелеріне, қар үйінділерін анықтау үшін LiDAR технологиясын қолдануға, сондай-ақ жол инфрақұрылымын декарбонизациялау және көпір құрылыстарының климаттық және техногендік әсерлерге төзімділігін арттыру тәсілдеріне аударылды.

Конгресс аясында «ҚазжолҒЗИ» АҚ халықаралық сарапшылармен және салалық ұйымдардың өкілдерімен бірқатар жұмыс кездесулерін өткізді. Кездесулер барысында автомобиль жолдарын қысқы күтіп-ұстау саласындағы тәжірибе алмасу, жол инфрақұрылымының тұрақтылығын арттыру, цифрлық шешімдерді енгізу, сондай-ақ шетелдік ұйымдармен әрі қарайғы өзара іс-қимыл перспективалары талқыланды.

«ҚазжолҒЗИ» АҚ-ның Конгреске қатысуы халықаралық кәсіби байланыстарды нығайтуға және Қазақстанның жол ғылымы мен тәжірибесіндегі тәжірибесін халықаралық деңгейде танытуға мүмкіндік берді.