«ҚазжолҒЗИ» АҚ PIARC Дүниежүзілік жол қауымдастығына кірді, оның ұлттық комитеті 40-тан астам елден тұрады және Еуропа, Америка, Африка және Азия елдерінде өңірлік жол қауымдастықтары бар.

Чехия астанасы Прагада өтіп жатқан 27-ші Дүниежүзілік жол конгресі аясында қазақстандық делегация құрамында Институт президенті Алибаева Арман нормативтік-техникалық құжаттаманы өзектендіру кезінде әлемдік тәжірибені қолдану үшін халықаралық сарапшылармен кездесті. Естеріңізге сала кетсек, ҚазжолҒЗИ қазіргі уақытта шамамен 1200 бірлікті құрайтын саланың нормативтік құжаттарын өзектендірумен айналысуда.

Сондай-ақ, жұмыс сапары аясында Институт мамандары еуропалық серіктестермен кездесіп, автомобиль жолдарын салу мен күтіп-ұстауды цифрландыру саласындағы әлемдік сарапшылардан бірегей тәжірибе алды. Дүниежүзілік жол қауымдастығына мүшелік біздің алдымызда перспективалы мүмкіндіктер ашады. Біріншіден, бұл әлемдік тәжірибеге қол жеткізуге мүмкіндік беріп, біздің көлік секторымыз үшін озық және экономиалық тұрғыдан тиімді шешімдерді бейімдеуге мүмкіндік береді.