Заң мен Тәртіп
БАҚ өкілдеріне арналған пресс-тур – БҚО

Тақырыбы: Ғалымдарды БҚО автожолдардың проблемаларын шешуге шақырды

Өтетін күні: 5 шілде 2024 ж.

Уақыты: сағ.9:00-де

Өтетін орны: Орал қ., Абай алаңы (әкімшілік ғимаратының алдында)

5 шілде күні бұқаралық ақпарат құралдарының өкілдері үшін баспасөз-туры ұйымдастырылады. Баспасөз туры аясында еліміздегі жалғыз салалық жол ғылыми-зерттеу институтының қызметімен, «Подстепное – Федоровка» автожолының 108-144 шқ құрылыс телімімен, асфальтбетон зауыты және жол сынақ зертханасының жұмысымен танысу жоспарланып отыр.

Журналистердің назарына автомобиль жолын салу үдерісі, құрылыста жаңа технологияларды қолдану, сондай-ақ жол-құрылыс материалдары мен жаңа технологияларды таңдау кезінде ашықтықты қамтамасыз етуге бағытталған rcmbase.kz бірыңғай базасы ұсынылады.

Естеріңізге сала кетсек, бұған дейін жол ғалымдары жол салу және күтіп-ұстаудың барлық кезеңдерінде автомобиль жолдарының сапасын жақсарту мақсатында барлық жол-құрылыс материалдарына рейтингтік әдісті қолдана бастаған болатын. Өнімдері конкурстық сынақтардан өтпеген рейтингі төмен өндірушілер мемлекеттік сатып алу рәсімдеріне қатысуға жіберілмейді.

БАҚ өкілдерін аккредиттеу үшін байланыс телефондары: 8 778 673 78 03 (WhatsApp) «ҚазжолҒЗИ» АҚ баспасөз хатшысы Адина Айнаева