«Көлік құрылысы» білім беру бағдарламасы бойынша мемлекеттік гранттарды тағайындау үшін өтінімдерді қабылдау жайында Қазақстан Республикасының жоғары оқу орындарындағы бакалавриатқа мемлекеттік гранттар беруге өтінімдерді қабылдау биылғы жылдың 13 шілдесінен басталады. Гранттарды игеруде «Көлік құрылысы» білім беру бағдарламасы бойынша өтінімдерді қабылдау алғаш рет жүзеге асырылмақ. Сөзге тиек етіп отырған бастама ҚР Көлік министрлігі, ҚР Ғылым және жоғары білім министрлігі мен «ҚазжолҒЗИ» АҚ бірлесе атқарған жұмыстың нәтижесінде жүзеге асырылып жатыр.
2024-2025 оқу жылына 1000-ға жуық мемлекеттік білім беру грант, оның ішінде бакалавриатқа 770 грант бөлінді. Аталған гранттар «Көлік құрылысы» білім бағдарламасы бойынша еліміздің 7 жоғарғы оқу орындарында оқытылмақ.
Мемлекеттік білім беру грантын тағайындау бойынша байқауға қатысу жайлы толық ақпарат пен шарттары төмендегі сілтеме бойынша қолжетімді: