ҚР-да PIARС Дүниежүзілік жол қауымдастығының Ұлттық комитетінің кеңсесін ашу аясында "ҚазжолҒЗИ" АҚ-на PIARС дүниежүзілік жол қауымдастығының Бас хатшысы Маллежак Патрик, Поляк жол конгресінің президенті Котларек Збигнев, PIARС дүниежүзілік жол қауымдастығының техникалық кеңесшісі Александра Скорупска, Краков техникалық университетінің профессоры Януш Бохаткевич және ҚР PIARС дүниежүзілік жол қауымдастығы Ұлттық комитетінің төрағасы Берік Камалиев келді.

Кездесу барысында тараптар өзара тәжірибе алмасу және одан әрі жұмыстарды, соның ішінде Польшаның жолшы ғалымдарымен бірлескен жобаларды жүзеге асыру барысы талқылады.

Шетелдік делегацияны "ҚазжолҒЗИ" АҚ президенті Алибаева Арман қарсы алып, қонақтарға Қазақстанның автожол саласындағы Институттың қызметі мен инновациялық шешімдерін таныстырды.