2026 жылғы 30 наурыз бен 4 сәуір аралығында Алматы қаласында битумды тұтқыр материалдарды пайдалану сипаттамалары бойынша жіктеу (PG) және Superpave жүйесі бойынша асфальтбетон қоспаларын көлемдік жобалау тақырыбында кәсіби оқыту курсы өтеді.

🛣️ Курс «ҚазжолҒЗИ» АҚ мамандары мен АҚШ сарапшыларының қатысуымен ұйымдастырылады. Бағдарлама халықаралық ғылыми-практикалық тәжірибені қамтып, Superpave технологиясын Қазақстан жағдайында енгізу мәселелерін қарастырады.

Негізгі спикерлер қатарында: Modified Asphalt Research Center (АҚШ) өкілі, профессор Хуссейн Бахия және Asphalt Institute (АҚШ) өкілі, доктор Боб Макгеннис.

📌Курс аясында қатысушылар битумды тұтқыр материалдарды PG жүйесі бойынша жіктеудің халықаралық тәсілдерімен, Superpave жүйесі бойынша асфальтбетон қоспаларын көлемдік жобалау қағидаттарымен, сондай-ақ аталған технологияны Қазақстанда енгізудің практикалық аспектілерімен, қолданыстағы стандарттармен және оны одан әрі дамыту перспективаларымен танысады.

Іс-шараны ұйымдастырушылар: «ҚазжолҒЗИ» АҚ және «ИнДорТех» ЖШС. Өтетін орны: «ИнДорТех» ғылыми-зерттеу және білім беру орталығы, Алматы қаласы, Медеу ауданы, Қастеев көшесі, 1В.