2026 жылдың 27 қазан күні «Қазақстан жол ғылыми-зерттеу институты» АҚ-да «Заң мен Тәртіп» тақырыбында дәріс өтті. Ол 2025–2030 жылдарға арналған Заң мен Тәртіп идеологиясын қоғамда ілгерілету тұжырымдамасы аясында ұйымдастырылды.

Әңгіме қарапайым, бірақ маңызды нәрсе туралы болды: заң — бәріне бірдей, ал тәртіп әрқайсымыздан басталады. Қызметкерлердің құқықтары мен міндеттері, құқықтық сауаттылық, мүдделер қақтығысы және сыбайлас жемқорлыққа төзбеушілік қарастырылды. Қызметтік ақпаратты қорғаудың және еңбек тәртібін сақтаудың маңызы айтылды.

Біздің саламызға жақын тақырыпқа да тоқталдық. Жол саласында әрбір шешімнің артында жолдағы адамдардың қауіпсіздігі тұр. Сондықтан біз үшін тәртіп — адал деректер, зерттеу нәтижелерінің шынайылығы, нысандарда қауіпсіздік талаптарын сақтау және әрбір қорытындыға жауапкершілік. Ғылыми адалдық та «Заң мен Тәртіптің» бір бөлігі.

Заң мен Тәртіп әрқайсымыздан басталады.

#ЗаңМенТәртіп #ЗаконИПорядок