«ҚазжолҒЗИ» АҚ Оқу орталығы «Жол-құрылыс материалдары мен жұмыстарының сапасын бақылау» тақырыбы бойынша біліктілікті арттыру курстарын өткізуде. Бұл курстар зертханашылар мен сынақ зертханаларының қызметкерлеріне арналған. Курстан 29 маман өтуде, оның ішінде 18 курсант «ҚазАвтоЖол» ҰК» АҚ-ның қызметкерлері.

Оқыту бағдарламасы Қазақстан Республикасының қолданыстағы стандарттарына сәйкес материалдар, технологиялар және сапаны бақылау саласындағы сынау әдістерін зерделеуді қамтиды. Біліктілікті арттыру курстары 23 ақпанда аяқталады.

«ҚазжолҒЗИ» АҚ Оқу орталығы үнемі біліктілікті арттыру курстарын өткізеді. Сарапшылар оқуға қызығушылық танытқандардың айтарлықтай өскенін атап өтті. Тек 2023 жылдың қаңтар айында институттың оқу орталығына 105 маман жүгінді, бұл ҚазжолҒЗИ-да тек 28 адам оқыған 2022 жылдың I тоқсанының көрсеткіштерінен үш есе артық.