"ҚазжолҒЗИ" АҚ Вице-президенті Ерік Әмірбаев қазақстандық делегация құрамында жол құрылысы саласындағы тәжірибе мен технологияларды зерделеу мақсатында Катар Мемлекетіне барды. Делегация құрамына сондай-ақ ЖАҰСО РМК, Астана және Алматы қалаларындағы асфальтбетон зауыттарының, "Юнидас Групп" ЖШС, сондай-ақ мердігер ұйымдардың өкілдері кірді.

Сапар барысында делегация асфальтбетон қоспаларын шығаратын ірі зауыттар мен полимер-битумды тұтқырғыштарды шығаратын зауыттармен танысты. Сонымен қатар, автомобиль жолдарын салу саласында жаңа технологиялар, материалдар мен жабдықтарды таныстыру мен оқыту семинарлары өткізілді.

Жергілікті сарапшылармен жұмыс кездесулері нормативтік-техникалық базамен, көлік жүктемелеріне байланысты көп қабатты жол төсемелерін жобалаумен, асфальтбетон қабаттарында полимерлерді қолданумен, сапаны бақылаумен және жол құрылысының басқа да аспектілерімен байланысты мәселелерді талқылауға мүмкіндік берді. Катар мен Қазақстаннан келген делегация арасында одан әрі ынтымақтастық туралы уағдаластықтарға қол жеткізілді.

Айта кету керек, екі мемлекет те инфрақұрылымды белсенді дамытып, жол құрылысына инвестициялар салуда. Катар айтарлықтай ресурстарға ие шаруашылық жүргізуші субъект ретінде жол желісін салу және жаңғырту саласында жоғары белсенділік танытуда. Сондай-ақ, Қазақстан өзінің жол инфрақұрылымын жаңғыртуға, соның ішінде жаңа технологияларды енгізуге және заманауи материалдарды қолдануға айтарлықтай күш салуда.

Катар мен Қазақстан арасындағы жол құрылысы саласындағы тәжірибе алмасу және ынтымақтастық өзара тиімді болмақ. Екі елдің де өз тәжірибелерін жетілдіруге және озық тәжірибелерді қолдануға мүмкіндігі бар, бұл жол инфрақұрылымының сапасын жақсартуға және екі мемлекетте де жол қозғалысы қауіпсіздігін арттыруға мүмкіндік береді.